Ալբանիան չեղյալ է հայտարարել ռուսաստանցիների համար առանց վիզայի այցերը

Ալբանիան չեղյալ է հայտարարել ռուսաստանցիների համար առանց վիզայի այցերը, հայտնում է Մոսկվայում երկրի դեսպանատունը:

«Ռուսաստանի Դաշնությունում Ալբանիայի Հանրապետության դեսպանատունը տեղեկացնում է, որ թիվ 858 որոշման մեջ կատարված փոփոխությունների համաձայն՝ չեղյալ է հայտարարվում Ռուսաստանի Դաշնության քաղաքացիների համար առանց վիզայի ռեժիմը (ամեն տարի մայիսի 1-ից սեպտեմբերի 30-ը)»,-ասվում է դեսպանատան կայքում հրապարակված հաղորդագրության մեջ։  

Այսպիսով, Ալբանիա այցելելու համար Ռուսաստանի քաղաքացիները պետք է վիզա ձեւակերպեն՝ ուղեւորության նպատակին համապատասխան, նշել են դիվանագիտական ներկայացուցչությունում։