Ժյուրին անտեսեց ծանոթ-խնամի-բարեկամ կապերը

Երեկ «Արտավազդ» թատերական մրցանակաբաշխության ժամանակ Հայաստանի թատերական գործիչների միության նախագահ Հակոբ Ղազանչյանը մրցանակի արժանացավ «Լավագույն ռեժիսուրա» անվանակարգում` «Նապոլեոն Կորկոտյան» եւ «Վիրուս» ներկայացումների համար:

Ղազանչյանը yerkir.am-ի հետ զրույցում նշեց, որ թեեւ սա իր առաջին մրցանակը չէ, սակայն շատ ուրախ է, որ եւս մեկ անգամ գնահատվեց իր աշխատանքը:

«Ինձ հաճախ հարցնում են, թե ինչու են մրցանակները եւ անվանակարգերն այդքան շատ, եւ իմ պատասխանը միշտ նույնն է լինում` մենք պարտավոր ենք տեսնել նաեւ երկրորդ, երրորդ պլանում աշխատողներին, ովքեր թեեւ չեն երեւում բեմում, սակայն կարեւոր դեր են կատարում: Ողջունելի է ժյուրիի տարած աշխատանքը, քանի որ ես վստահ եմ` նրանց զանգել եւ խնդրել են, որ այս կամ այն մասնակցի օգտին քվեարկեն, սակայն ժյուրիի առջեւ հարցը շատ խիստ էր դրված»,- ասաց Ղազանչյանը: