Այսօր Վրաստան է ժամանում Թուրքիայի արտգործնախարարը

Այսօր պաշտոնական այցով Վրաստան է ժամանում Թուրքիայի արտգործնախարար Ահմեդ Դավութօղլուն. տեղեկացնում է Apsny.ge-ն:

Վրաստանի ԱԳՆ-ն տեղեկացրել է, որ Դավութօղլուն այցի շրջանակներում հանդիպում է ունենալու Վրաստանի վարչապետ Բիձինա Իվանիշվիլիի, խորհրդարանի նախագահ Դավիթ Ուսուպաշվիլիի, արտգործնախարար Մայա Պաջձիկիձեի, Վրաստանի վերաինտեգրման պետնախարար Պաատա Զաքարեիշվիլիի հետ:

Դավութօղլուն նաեւ ծաղկեպսակ կդնի Վրաստանի տարածքային ամբողջականության համար զոհվածների հուշահամալիրին:

Վրաստանին ԱԳՆ-ն ընդգծել է, որ հանդիպումների ընթացքում կքննարկվեն երկկողմ համագործակցության հարցեր, օրինակ` Թուրքիայի օգնությունը Վրաստանին` ՆԱՏՕ-ին անդամակցելու ճանապարհին:

Ի դեպ, մարտի 28-ին Բաթումում տեղի կունենա Վրաստանի Թուրքիայի եւ Ադրբեջանի արտգործնախարարների եռակողմ հանդիպումը: