Հայկական բանակը մարտունակությամբ գերազանցում է ադրբեջանականին

Բրիտանական «Ռազմավարական հետազոտությունների միջազգային ինստիտուտ» (IISS) կազմակերպությունը հրապարակել է «The Military Balance 2013» ամենամյա զեկույցը, որում ներկայացվում է աշխարհի մոտ 160 պետության ռազմական և պաշտպանական ներուժը:

«Ռեգնում» գործակալությունը գրում է, որ բրիտանացի փորձագետները նշում են, որ ՀՀ-ն ու Ադրբեջանը  ֆինանսական լուրջ միջոցներ են ներդնում ռազմական ոլորտում: Մասնավորապես` ՀՀ-ն տարեկան 400 մլն դոլարի ծախս է անում, իսկ Ադրբեջանը` 1 միլիարդ 770 միլիոնի, ինչը 90 միլիոնով ավելի է 2011-ին արված ծախսի համեմատ:

Սակայն բրիտանացիները նշել են նաև, որ անկախ ֆինանսական ներդրումների չափից` հայկական բանակն իր մարտունակությամբ գերազանցում է ադրբեջանական բանակին: