Ավտովթար` Արագածոտնի մարզում

ՀՀ Արտակարգ իրավիճակների նախարարությունը հայտնում է, որ այսօր` մարտի 16-ին, ժամը 15.26-ին տեղեկատվություն է ստացվել, որ Արագածոտնի մարզի Օհանավան-Ուշի ավտոճանապարհին տեղի է ունեցել ՃՏՊ. անհրաժեշտ է օգնություն:

Դեպքի վայր են մեկնել մեկ մարտական հաշվարկ և ՃԿԿ ԱԻ արձագանքման խումբը:

Տեղում պարզվել է, որ դեռևս չբացահայտված հանգամանքներում «Վոլվո» մակնիշի 71 RR 071 պետհամարանիշի բեռնատար ավտոմեքենան բախվել է «ԳԱԶել» մակնիշի 03 UL 193 պետհամարանիշի և «ՎԱԶ 2109» մակնիշի 02 SL 109 պետհամարանիշի ավտոմեքենաներին, ինչի հետևանքով «ԳԱԶել» և «ՎԱԶ 2109» մակնիշի ավտոմեքենաները կողաշրջվել են, իսկ բեռնատար ավտոմեքենան կողաշրջվելով` դուրս է եկել ճանապարհի երթևեկելի մասից և ընկել հարակից հողատարածք:

ՃՏՊ-ի հետևանքով «Վոլվո» մակնիշի ավտոմեքենայի վարորդ՝ 1979թ. ծնված Մելսիկ Բալասանյանը տեղում մահացել է, իսկ «ԳԱԶել» մակնիշի ավտոմեքենայի վարորդ՝ 1979թ. ծնված Ներսես Ալեքյանը, մինչ հրշեջ-փրկարարների կանչի վայր հասնելը, տեղափոխվել է Աշտարակ քաղաքի ԲԿ, այնուհետև` «Արմենիա» ԲԿ:

Հրշեջ-փրկարարները տեղում իրականացրել են ճանապարհահատվածի սահմանազատման և լվացման աշխատանքներ: