Վստահ եղեք, որ վտանգավոր բան չեք տեղափոխում

Երեկ Yerkir.am-ը ներկայացրել էր այն իրավանորմը, համաձայն որի` օդանավով այլ անձի բեռը տեղափոխելը զանցանք է (Վարչական իրավախախտումների մասին օրենքի 136¹ -րդ հոդված):

Եվ օրենքի տրամաբանությամբ` այստեղից Մոսկվա գիրք տեղափոխելու համար կարող ես տուգանվել 100 հազար դրամով, իսկ եթե պաշտոնատար անձ է տեղափոխողը, ապա` 200 հազար դրամով:

Թե ինչո՞վ է բացատրվում նման իրավանորմի առկայությունը օրենսգրքում, փաստաբան Գեղամ Հակոբյանը պատասխանեց. «Սա նախատեսված է անվտանգության նկատառումներով: Քանի որ ուրիշի խնդրանքով կարող են տեղափոխվել վտանգավոր և արգելված իրեր, որոնց մասին տեղափոխողը չիմանա: Այսինքն` այս նորմը կանխարգելիչ նպատակ է հետապնդում»:

Այնպես որ` մինչ այս կամ այն իրը տեղափոխել համաձայնելը, նախ վստահ եղեք, որ պատմությունների մեջ չեք ընկնի: