ՀՀԿ-ական տատիկն իր դերի մեջ է

ՀՀ նախագահ Սերժ Սարգսյանին պաշտող, նրա արևով երդվող ՀՀԿ-ական տատիկի մասին Yerkir.am-ն առիթ ունեցել է գրելու:

Այս անգամ էլ ՀՀԿ-ական տատիկն իր դերի մեջ էր: Քիչ առաջ նա մոտեցավ Ազատության հրապարակում հացադուլ հայտարարած Րաֆֆի Հովհաննիսյանին և սկսել անպատվել` ասելով, որ ժողովուրդն արդեն ընտրել է իր նախագահին:

Հովհաննիսյանի թիմակիցները ոստիկաններին խնդրեցին հեռացնել կնոջը, ինչը դժվարությամբ հաջողվեց. կինը դիմադրում էր:

Yerkir.am-ի հետ զրույցում տատիկը նշեց, որ առաջիկայում ջրի երես է հանելու իր մոտ գտնվող դեղնած թղթերը, իսկ թե դրանք ինչ բացահայտումներ են, տատիկը հրաժարվեց պատասխանել՝ զայրացած ասելով, թե բոլորը հայրենասեր են դարձել, բոլորը լրագրող-օպերատոր են դարձել ու սկսել հարցեր տալ: