Մուրթազալիևը հրաժարվում է օլիմպիական ոսկե մեդալից

Սիդնեյի օլիմպիական խաղերի չեմպիոն, դաղստանցի ազատ ոճային ըմբշամարտիկ Սահիդ Մուրթազալիևը հայտարարել է, որ վերադարձնում է օլիմպիական ոսկե մեդալը` ի նշան բողոքի ՄՕԿ-ի կայացրած որոշման դեմ, ըստ որի` հնարավոր է ըմբշամարտը բացառվի 2020-ի օլիմպիական խաղերից:

«Օլիմպիական մեդալս վերադարձնելու որոշումը հեշտ չէր ինձ համար: Այդուհանդերձ, երկար մտածելուց հետո  որոշեցի հետևել լեգենդար բուլղարացի ըմբշամարտիկ Վալենտին Յորդանովի օրինակին: Այս քայլին գնացի` ի նշան բողոքի: ՄՕԿ-ը ցանկանում է բացառել ըմբշամարտը օլիմպիական խաղերից, ինչը աններելի սխալ է », -  РИА «Новости»-ն մեջբերում է ՄՕԿ-ի նախագահ Ժակ Ռոգգեին ուղղված նամակից մի հատված: