ԲԱՔՈւ-2015. Հայաստանը ներկայացնող Մուսա Մուրթազալիևը դուրս եկավ քառորդ եզրափակիչ

Բաքվում ընթացող Եվրոպական խաղերում երկրորդ հաղթանակը տարավ  Հայաստանը ներկայացնող` 86 կգ քաշային Մուսա Մուրթազալիևը: Ինչպես Բաքվից հաղորդում է Հայաստանի հավաքականի մամուլի քարտուղար Կարեն Գիլոյանը,  մեր ըմբիշը 1/8-րդ եզրափակիչում գոտեմարտեց Իսպանիան ներկայացնող` ազգությամբ օս Նասկիդաևի հետ, եւ  կրկին ամեն ինչ վճռվեց վերջին վայրկյաններին. Մուսան իր բացառիկ մարտական ոգու շնորհիվ վաստակեց 2 միավոր և հաղթեց 3-2 հաշվով: Քառորդ եզրափակիչում Մուսան կգոտեմարտի վրացի Սանդրո Ամինաշվիլիի հետ: 

61 կգ քաշային կարգում պարտություն կրեց Վոլոդյա Ֆրանգուլյանը: Աշխարհի չեմպիոն, ադրբեջանցի Հաջի Ալիևին մի դրվագում Վոլոդյան փոխադրեց, սակայն մրցավարները չգնահատեցին հնարքը: Վոլոդյան, ամենայն հավանականությամբ, դեռ կշարունակի պայքարը բրոնզե մեդալի համար:

 Մի քանի րոպե հետո էլ կկայանա Լևան Բերիանիձե (Հայաստան) - Հաջիմուրադ Գացալով (Ռուսաստան) գոտեմարտը: