Սուրեն Մկրտչյանը հեռացել է "Կուբան"-ի գլխավոր տնօրենի պաշտոնից

Ռուսական «Կուբան» ֆուտբոլային ակումբի գլխավոր տնօրեն Սուրեն Մկրտչյանը հեռացել է պաշտոնից:

«Ես լքում եմ իմ պաշտոնը և հեռանում: Որոշումն ինձ շատ դժվար տրվեց: Այս տարիների ընթացքում «Կուբան»-ը ինձ համար հարազատ ակումբ էր դարձել: Սա ընդամենը աշխատանք չէր ինձ համար: Բայց մյուս կողմից էլ` հեշտ է գնալ ակումբից հիմա, երբ ամեն ինչ այսքան լավ է ներսում: Թիմն արդեն լավ դիրք է զբաղեցնում առաջնությունում, հնարավորություն ունի հանդես գալու եվրագավաթներում: Ակումբը գլխավորում են հիանալի մասնագետներ, ովքեր, իրոք, սիրում են այն: Այս ամենի հետ մեկտեղ շատ կարևոր է երկրպագուների դերը: Այս հինգ տարիներին ես զգացել եմ և' բերկրալի պահեր, և' պարտության դառնություն: Երկարատև լարված աշխատանքը ինձ հոգնեցրեց և ստիպեց  հանգստի գնալ», - ասել է ակումբի` արդեն նախկին գլխավոր տնօրեն Սուրեն Մկրտչյանը: