Կուբան տոնում է Չե Գեւարայի տարեդարձը

Կենտրոնական Կուբայի Սանկտի Սպիրիտուս նահանգում նշել են Էռնեստո Չե Գեւարայի 83-ամյակը:

Տեղը շատ հատկանշական է. Չե Գեւարան հենց այդ վայրում է իրականացրել կարեւոր ռազմական գործողություններ:

«Գեւարան հավատարիմ էր իր սկզբունքներին: Նա երկաթյա կամքի տեր էր, արտակարգ խիզախություն, բարձր արժանապատվություն եւ մարդկայնություն ուներ: Նա կռվել է իր երկրի համար մինչեւ վերջին րոպեն: Նրա հերոսությունը եւ մարդասիրությունը` հեղափոխական ոգու եւ հակաիմպերիալիստական հայացքների հետ մեկտեղ, մղել են նրան ազնիվ եւ արդար քայլերի»,- այսպես է գրված Granma թերթում:

Ավելի քան 50 տարի անց Կուբայում հրատարակվել է Չե Գեւարայի նոթատետրը, որում նա գրառումներ է կատարել Ֆիդել Կաստրոյի հետ:

Չե Գեւարայի այրին` Ալեիդա Մարչը, ասել է, որ նոթերը հնարավորություն կտան «բացահայտելու Էռնեստոյի կյանքը, մտքերը, աշխատանքը, նաեւ կօգնեն Կուբայի բնակիչներին եւ ողջ աշխարհին ավելի հստակ պատկերացում կազմել նրա մասին եւ աղավաղված լուրեր չտարածել»: