1,5 միլիոն կիսասոված ժողովուրդ ձայն չի տա իրեն կեղեքողներին

ՀԱԿ անդամ Գուրգեն Եղիազարյանն լրագրողների հետ հանդիպման ժամանակ, վերլուծելով նախընտրական և հետընտարական իրադարձությունները, առանձնացրեց ՀՀ նախագահի 4 թեկնածուների:

Նա կարևորեց Անդիրաս Ղուկասյանին` որպես նախագահի թեկնածու, ով ասել էր, որ ցանկացած արդյունքի դեպքում այս ընտրությունները չի ընդունի: Առանձնացրեց ԱԻՄ առաջնորդ Պարույր Հայրիկյանին և նրա դեմ իրականացված մահափորձը` նշելով այդ կրակոցների վերաբերյալ իր վարկածը, ըստ որի` դրանով կասեցրեցին նախագահական ընտրության երկրորդ փուլի հեռանկարը:

Գուրգեն Եղիազարյանը Րաֆֆի Հովհաննիսյանին տրված այդքան շատ ձայների իր բացատրությունն ունի. «1.5 միլիոն կիսասոված ժողովուրդ չէր գնա իրեն կեղեքողներին ձայն տալու»:

Հարցին` արդյոք տեսնո՞ւմ է ՀԱԿ-ի և Րաֆֆի Հովհաննիսյանի քայլերի միջև նմանություն, Եղիազարյանը պատասխանեց, որ չի տեսնում, քանի որ իրենք առարկայացված ասում էին` ինչ են ուզում, ինչ են անում և ուր են գնում: Բայց Րաֆֆիի կողքին տեսնում է ավյունով լի երիտասարդություն, ովքեր կարող են լուրջ փոփոխություններ անել: