Ծեծկռտուք` ԱԺ-ում. ՛՛Ժողովուրդ՛՛

ԱԺ պաշտպանության, ազգային անվտանգության եւ ներքին գործերի մշտական հանձնաժողովի երեկվա նիստի ժամանակ դահլիճում նստելու տեղի համար վիճաբանություն է սկսվել հանձնաժողովի նախագահ Կորյուն Նահապետյանի եւ ԱԺ ՀՀԿ խմբակցության պատգամավոր, պաշտոնաթող գեներալ Մանվել Գրիգորյանի օգնականների միջեւ:

Վիճաբանությունը տեղափոխվել է ԱԺ միջանցք, որտեղ պատգամավորների օգնականների վեճը վերածվել է քաշքշոցի, այնուհետեւ՝ լուրջ ծեծկռտուքի: Աղմուկին վրա հասած ԱԺ աշխատակիցներին մի կերպ հաջողվել է դադարեցնել ծեծկռտուքն ու բաժանել նրանց: Այս մասին գրում է «Ժողովուրդ»-ը: Թերթը փորձել է տեղեկությունը ճշտել Կորյուն Նահապետյանից, ով, բնականաբար, հերքել է միջադեպի մասին լուրը: