Պուտինը Ճապոնիայից գաղտնի ուղերձ է ստացել

Ճապոնիայի նախկին վարչապետ Յոսիրո Մորին Մոսկվա է ժամանել` գործող վարչապետ Սինձե Աբեի այցը կազմակերպելու համար: Քաղաքական գործիչը ներկայիս վարչապետի նամակն է հանձնել ՌԴ նախագահ Վլադիմիր Պուտինին. տեղեկացնում է РБК-ն:

Մորին չի հայտնել լրագրողների նամակի բովանդակությունը` բացատրելով, որ այն գաղտնի է: «Միակ բանը, որ կարող եմ ասել, վարչապետ Աբեն մեծ կարեւորություն է տալիս Ռուսաստանի հետ հարաբերություններին եւ ցանկանում է այս տարի այցելել ձեր երկիր»,- հավելել է նա` նշելով, որ ավելի քան 10 տարի է` Ճապոնիայի կառավարության որեւէ ղեկավար չի այցելել Ռուսաստան, եւ այդ իրադրությունը նորմալ համարել չի կարելի:

Սպասվում է, որ առաջիկա այցի ընթացքում քննարկվելիք կարեւորագույն հարցը լինելու է Կուրիլյան կղզիների հիմնախնդիրը: