Ղուլարյանը արգելել է խոսել. ''Ժողովուրդ''

Երեկ արտառոց դեպք է տեղի ունեցել ՀՀԿ առաջնորդ Սերժ Սարգսյանի քարոզարշավի ժամանակ. գրում է «Ժողովուրդը»: Նա Նոյեմբերյանում մարդկանց հետ հանդիպման ժամանակ ամեն կերպ խուսափել է պատասխանել ներկաների հնչեցրած հարցերին:

Երբ տեղի դպրոցի փոխտնօրենը փորձել է Ս. Սարգսյանից պարզել, թե, ի վերջո, երբ են բարեհաճելու դպրոցը վերանորոգել, Տավուշի մարզպետ Արմեն Ղուլարյանը սկսել է հետեւից հուշել, որ շատ կարճ ձեւակերպի հարցն ու արագ ավարտի: Նման հոգեբանական ճնշման արդյունքում էլ փոխտնօրենը կմկմացել է ու, մի կերպ ձեւակերպելով հարցը, արագ նստել:

Ս. Սարգսյանն էլ ստիպված խոստացել է, որ ամեն ինչ կանեն հարցը լուծելու համար: