Ամեն ինչ կարգին էր, ''Ֆեյսբուքն'' էր պակաս. ''Ժողովուրդ''

Երեւանի քաղաքապետ Տարոն Մարգարյանը պաշտոնապես hանձնարարական է տվել, որ յուրաքանչյուր վարչական շրջան պետք է ունենա իր ֆեյսբուքյան էջը (վարչական շրջանի ղեկավարի, տեղակալի, աշխատակազմի ղեկավարի դեմքերով): Ավելին, դրանք պետք է սպասարկեն հատուկ մասնագետներ: Այսինքն՝ ««Ֆեյսբուք»-ի հաստիքով» մարդիկ են աշխատում վարչական շրջաններում:

Այս մասին գրում է «Ժողովուրդ» օրաթերթը՝ հղում անելով սեփական աղբյուրներին: Երեւանի քաղաքապետի ֆեյսբուքյան էջի պատասխանատու Մարիա Բարաղամյանը, սակայն, օրաթերթի հետ զրույցում ասել է. «Հանձնարարական չկա, ուղղակի վարչական շրջանի ղեկավարն իր աշխատանքն է լուսաբանում: Դա հնարավորություն է քաղաքացիների հետ շփման եւ կապի միջոց է: Վարչական շրջանների ղեկավարները, ինչպես նաեւ աշխատակազմը, ունեն ֆեյսբուքյան էջեր: Բայց դրա համար հատուկ աշխատող չեն պահում: Ուղղակի աշխատակազմում կան մարդիկ, որոնք դրա պատասխանատուն են: Դրա համար հատուկ մարդ չի կարող լինել, որովհետեւ հաստիքացուցակում էլ նման հաստիք չկա»: