Ինքնահռչակ նախագահը

Միացյալ Նահանգների նախագահ Բարաք Օբամայի աջ ձեռքը` Ջո Բայդենը, երկու անգամ ստանձնել է փոխնախագահի պաշտոնը, երկու դեպքում էլ անհարմար դրության մեջ հայտնվել: Համացանցում տարածվել է ԱՄՆ նախագահի եւ փոխնախագահի երդմնակալության ժամանակ փոխնախագահ Բայդենի ելույթի այն հատվածը, որտեղ պաշտոնյան իրեն նախագահ է անվանել: 

«Ես հպարտ եմ լինել ԱՄՆ-ի նախագահը»,- ասել է Ջո Բայդենը եւ միայն ներկաների բարձր ծիծաղից հետո ուղղել իր սխալը: 

Բայդենի այս հայտարարության մեջ լրագրողներն ակնարկ են տեսնում` ենթադրելով, որ Բայդենը հնարավոր է` իր թեկնածությունն առաջադրի 2016 նախագահական ընտրություններում:

Օբամայի պաշտոնավարման առաջին շրջանի ժամանակ էլ տեսախցիկն արձանագրել էր՝ ինչպես է նախագահի ելույթին հետեւող Բայդենը քնով անցնում: Փոխնախագահը լեզվի այլ սայթաքումներ էլ է թույլ տվել: Վերջերս ելույթներից մեկի ժամանակ նա մոռացել էր ԱՄՆ նախագահի անունը: Բայդենը նաեւ շփոթում է ԱՄՆ նահանգների թիվը, վարչակազմի աշխատակիցների ստույգ պաշտոնները եւ այլն: