ԵԽԽՎ նախագահը զգում է, որ ԼՂ հարցի լուծումը կարող է տեղից շարժվել

Եվրոպայի խորհրդի նախարարների հանձնաժողովում Հայաստանի և Ադրբեջանի նախագահության կապակցությամբ` Եվրոպայի խորհորդը հույս է հայտնում, որ կողմերը վերջ կտան փոխադարձ մեղադրանքներին և կանցնեն կառուցողական երկխոսության. ըստ Turan գործակալության` այսօր Ստրասբուրգում ԵԽԽՎ ձմեռային նստաշրջանի բացման կապակցությամբ լրագրողների հետ հանդիպման ժամանակ ասել է ԵԽԽՎ մանախագահ Ժան Կլոդ Մինյոնը:

«Հինգ ամսից Հայաստանը նախագահելու է ԵԽ նախարարների հանձնաժողովը, այնուհետեւ կնախագահի Ավստրիան, որից հետո` Ադրբեջանը: Ես երկու երկրների պատվիրակություններին արդեն ասել եմ, որ եթե նրանք քայլեր չձեռնարկեն ԼՂ հիմնախնդրի կարգավորման ուղղությամբ, ապա Եվրոպայի խորհրդին շատ դժվար կլինի Հայաստանի և Ադրբեջանի նախագահության ընթացքում: Շատ կցանկանայի այցելել երկու երկրներն էլ: Այնպիսի զգացողություն ունեմ, որ հարցը կարող է տեղից շարժվել»,- ասել է Մինյոնը: