Համացանցի հասանելիությամբ Հայաստանն առաջինն է Հարավային Կովկասում

Համաձայն Gallup-ի կատարած հարցումների, որոնք արվել են աշխարհի 148 երկրներում, համացանցի հասանելիությունն աշխարհում բարձրացել է 3 տոկոսով, ինչը նշանակում է, որ համացանցից կարող է օգտվել աշխարհի բնակչության 32 տոկոսը. տեղեկացնում է apsny.ge-ն:

Հայաստանն այդ երկրների ցուցակում առաջատար չէ, սակայն առաջ է Հարավային Կովկասի մյուս երկրներից. Հայաստանում համացանցը հասանելի է բնակչության 33 տոկոսին, այն դեպքում, երբ Վրաստանում այդ թիվը կազմում է 29 տոկոս, իսկ Ադրբեջանում` 15 տոկոս:

Ինչ վերաբերում է Թուրքիային, ապա, ըստ Gallup-ի, այստեղ համացանցը հասանելի է բնակչության 40 տոկոսին: 38 տոկոս հասանելիությամբ Թուրքիային հաջորդում է Իրանը: