28 համար միկրոավտոբուսն այսուհետ 8 համար ավտոբուս է

Երթուղիների մրցույթների անցկացումից հետո, այս տարի առաջին անգամ, «Հայր և որդի Մկրտչյաններ» ընկերության ներդրման արդյունքում թիվ 28 միկրոավտոբուսային երթուղին այսուհետ թիվ 8 համարանիշով կսպասարկվի հարավկորեական արտադրության «Հունդաի» մակնիշի 18 նոր ավտոբուսներով, որոնք հագեցած են ուղևորների համար հարմարավետ երթևեկության սահմանված չափանիշներով. տեղեկացնում են Երևանի քաղաքապետարանից:

Մասնավոր ընկերությունների կողմից մինչև 2013 թվականի առաջին եռամսյակ Երևան կբերվի միջին տեղատարողությամբ ևս 92 ավտոբուս, ինչը հնարավորություն կտա ավտոբուսայիններով վերափոխելու ևս 5-6 երթուղի: Այս աշխատանքները հետագա ժամանակահատվածում շարունակական բնույթ կկրեն: