ԱՄՆ-ը եւ ՌԴ-ն Սիրիայի հարցով համատեղ ծրագիր չունեն

Ռուսաստանը եւ ԱՄՆ-ը որեւէ համատեղ ծրագիր չունեն սիրիական ճգնաժամի կարգավորման հարցով. ամենշաբաթյա ճեպազրույցում հայտնել է ՌԴ ԱԳՆ պաշտոնական ներկայացուցիչ Ալեքսանդր Լուկաշեւիչը:

Լրագրողի խնդրանքին ի պատասխան` մեկնաբանել «ռուս-ամերիկյան ծրագրի նկատմամբ սիրիական կողմի վերաբերմունքը», Լուկաշեւիչը նշել է, որ նման ծրագիր չի եղել ու չկա: Ըստ նրա`նման բան նույնիսկ չի քննարկվել. տեղեկացնում է РИА Новости-ն:

Լուկաշեւիչի խոսքերով` սիրիական կողմի հետ քննարկվում են ժնեւյան պայմանավորվածությունները:

Նշենք, որ ՄԱԿ-ի եւ Արաբական պետությունների լիգայի հատուկ պատվիրակ Լահդար Բարհիմին Սիրիայի նախագահին եւ ընդդիմությանը նոր նախաձեռնություն է ներկայացրել, որն, ըստ նրա, համաձայնեցվել է ԱՄՆ-ի եւ ՌԴ-ի հետ: