ԼՂՀ-ն շուտով միանալու է եվրոպական կոնվենցիաներին

Ղարաբաղը շուտով կսկսի միջազգային կոնվենցիաներին միանալու գործընթացը. այս մասին օրերս ՀՅԴ Արցախի կառույցի երիտասարդական թեւի նախաձեռնությամբ կազմակերպված կլոր սեղանի ժամանակ հայտարարել է ԼՂՀ արդարադատության նախարար Արարատ Դանիելյանը. տեղեկացնում է karabakh-open.info-ն:

Առաջինը, նրա փոխանցմամբ, կլինի մարդու իրավունքների եվրոպական կոնվենցիան։ «Ի՞նչ է դա մեզ տալիս: Առաջին հերթին մեր քաղաքացիներին է հնարավորություն տալու, որպեսզի լիարժեք պաշտպանեն իրենց իրավունքները երկրի ներսում։ Դուք կարող եք դիմել դատարան՝ հղում կատարելով այդ կոնվենցիաների դրույթների վրա։ Այսինքն ` բազմաթիվ խնդիրներ է այդ քայլով լուծում պետությունը»,-բացատրել է արդարադատության նախարարը: