ՅՈՒՆԵՍԿՕ-ն սնանկացել է

ՅՈՒՆԵՍԿՕ-ն հայտարարել է, որ հրաժարվում է մինչեւ 2011-ի ավարտը նոր ծրագրեր իրականացնել` ֆինանսավորման պակասի պատճառով, որը պայմանավորված է ԱՄՆ-ի` կազմակերպության հաշվին գումարներ այլեւս չփոխանցելու որոշմամբ. տեղեկացնում է Associated Press-ը:

Ըստ կազմակերպության ներկայացուցիչների` նման միջոցառումները հնարավորութուն կտան տնտեսելու մոտ 35 մլն դոլար` բյուջետային դեֆիցիտի մոտ կեսը: Նշվել է նաեւ, որ այս տարի սկսված բոլոր նախագծերը, այնուամենայնիվ, ավարտին կհասցվեն:

Ավելի վաղ հայտարարվել էր նաեւ, որ նոր հատուկ հիմնադրամ է ստեղծվում, որն ընդունել է նվիրատվություններ կազմակերպություններից եւ մասնավոր անձանցից:

Հիշեցնենք, որ ԱՄՆ-ը դադարեցրել է ՅՈՒՆԵՍՕ-ի ֆինանսավորումը այն բանից հետո, երբ Պաղեստինյան ինքնավարությանը այս տարվա հոկտեմբերի 31-ին կազմակերպության անդամություն շնորհվեց: Նույնը արեցին նաեւ Կանադան եւ Իսրայելը: