Աշոտ Գրիգորյանը դիմել է Միշել Պլատինիին

Եվրոպայի հայկական միությունների ֆորումի /ԵՀՄՖ/  և Սլովակիայի հայ համայնքի նախագահ Աշոտ Գրիգորյանը Եվրոպայի հայ ֆուտբոլասերների անունից դիմել է Եվրոպայի ֆուտբոլային ասոցիացիաների /ՈՒԵՖԱ/ նախագահ Միշել Պլատինիին` խնդրելով վերլուծել Իռլանդիա-Հայաստան խաղի մրցավարների կողմից թույլ տրված սխալները և անպայման նշանակել վերախաղարկում:

Միաժամանակ, ԵՀՄՖ-ը հայտարարում է, որ Հայաստանի ֆուտբոլի ֆեդերացիայի կողմից ԶԼՄ-ներին արված հայտարարության մեջ կա մի փոքրիկ սխալ. ՈՒԵՖԱ-ի խաղերին մրցավարական բրիգադի նշանակումը կատարվում է հենց ՈՒԵՖԱ-ի և ոչ թե ՖԻՖԱ-ի  կողմից: ՖԻՖԱ-ն ընդամենը լիցենզավորում է մրցավարներին: Սակայն տարբեր  խաղերին մրցավարների նշանակումը կատարվում է ֆուտբոլի տարածաշրջանային ֆեդերացիաների կողմից: