Կիպրոսը հրաժարվել է զորավարժությունից, նույնը առաջարկում է Թուրքիային

Կիպրոսի Հանրապետությունը երեկ հայտարարել է ամենամյա զորավարժություններից, որոնք անցկացվելու էին հաջորդ շաբաթ, հրաժարվելու մասին, քանի որ «ՄԱԿ-ում հանդես է եկել նախաձեռնությամբ` չեղյալ հայտարարել ե'ւ այդ, ե'ւ թուրքական զորավարժությունները»:

Կիպրոսի պաշտպանության նախարարության տարածած հայտարարության մեջ նշվում է, որ նպատակը տարածաշրջանում լարվածության աճը կանխելն է, սակայն Թուրքիայից դեռ պատասխան չի ստացվել:

Հիշեցնենք, որ Կիպրոսի եւ Թուրքիայի հարաբերություններում նոր լարվածությունն ի հյատ է եկել այն բանից հետո, երբ Կիպրոսը Միջերկրական ծովի տնտեսական գոտում սկսեց ածխաջրածինների հետախուզում իրականացնել, ինչը Թուրքիայի դժգոհությունն առաջացրեց: