Սպանել, եփել ու կերել է ամուսնուն

20 տարի առաջ ամուսնուն սպանած, եփած եւ կերած եգիպտուհի Օմայմա Արի Նելսոնը, որը ցմահ բանտարկված է Կալիֆոռնիա նահանգի Չաուչիլա բանտում, պատրաստվում է ներման խնդրագիր ներկայացնել իշխանություններին:

Օմայման ԱՄՆ էր եկել հանցագործությունը կատարելուց 5 տարի առաջ, աշխատել էր որպես մոդել: Իր 56-ամյա ամուսնուն սպանել էր հարսանիքից 1 շաբաթ անց: Դատավարության ժամանակ Օմայման ասել էր, որ ամուսինը բռնաբարել ու նվաստացրել էր իրեն:

Դատական գործի նյութերի համաձայն` կինը ամուսնու մարմնի որոշ մասեր եփել էր, իսկ ձեռքերը` յուղով խորովել փռում, ապա կերել բարբեքյուի սոուսով: Ոստիկանությունը ձերբակալել էր նրան` մարմնի մյուս մասերը հայտնաբերելով տան մոտ գտնվող աղբարկղերում եւ ընտանեկան ավտոմեքենայում:

Կոստա Մեսա քաղաքի ոստիկանության պետը հույս է հայտնել, որ նահանգի իշխանություններն «ազատ չեն արձակի մարդակերին»: