Ուղեցույցներ եւ շտեմարաններ` շրջանավարտներին

2012 թ. պետական ավարտական և միասնական քննությունների ուղեցույցները, որոնք հրատարակում է Գնահատման ու թեստավորման կենտրոնը, պատրաստ կլինեն մինչև 2011-ի նոյեմբերի վերջը. տեղեկացնում է ԳԹԿ մամուլի ծառայությունը: Դրանք կտրամադրվեն 12-րդ դասարանցիներին:

Կրթական բարեփոխումների շրջանակներում այս տարվանից ներդրվում են նաեւ թեստային առաջադրանքներ պարունակող շտեմարաններ (այս տարի միայն հայոց լեզու և հայ գրականություն, մաթեմատիկա առարկաներից): Այս դեպքում դիմորդը նախապես տեղեկացված  կլինի քննության ժամանակ իր առջև դրվող թեստի առաջադրանքներին: Բացի այդ` մի շարք մասնագետների համատեղ աշխատանքով կազմվող շտեմարանները հնարավորություն են ընձեռելու խուսափել թեստերում առկա` վիճահարույց պատասխաններ պարունակող առաջադրանքներից: