Անբացատրելի մահ

Իռլանդացի Մայքլ Ֆահերթիին հայտանաբերել են Գալվեյի իր բնակարանում` բերանքսիվայր ընկած: 76-ամյա տղամարդու մարմինն այրված է եղել, իսկ տան իրերը` ոչ:

Ինչպես տեղեկացնում է «Թելեգրաֆը», գործը վարող քննիչն ասել է, որ 25 տարվա գործունեության ընթացքում ինքը նման բան չի տեսել. փորձագետները կարծում են, որ մարդն ինքաբռնկվել է ինչ-որ ներքին քիմիական ռեակցիաների հետեւանքով` առանց որեւէ արտաքին բռնկվող աղբյուրի:

Դեպքը հետաքննվում է, մասնագետները փորձում են ճշտել ինքնաբռնկման պատճառները:

Մարդկանց ինքնաբռնկման հարյուրավոր դեպքերի մասին, 300 տարվա կտրվածքով, տեղեկություններ կան, սակայն դրանցից մի քանիսն են միայն փորձագետների կողմից ուսումնասիրվել: