"12" հեռուստաընկերությունը փոխում է ուղղվածությունը

Մեզ հասած տեղեկություններով` «12» հեռուստաընկերությունը շուտով կդադարի գործել իբրեւ առանձին միավոր, այն կընդգրկվի «Արմենիա» հոլդինգի կազմում եւ կդառնա զուտ սպորտային ուղղվածության հեռուստաալիք:

Որոշ լուրերի համաձայն` հեռուստաընկերության անձնակազմի շրջանում արդեն տագնապ է սկսվել. շատերը մտավախություն ունեն, որ շուտով գործազուրկ կդառնան:

Շրջանառվող լուրերի իսկության մեջ հավաստիանալու համար կապ հաստատեցինք հեռուստաընկերության սեփականատեր Արման Սահակյանի հետ: «Ոչ մի բան չի կատարվում, մեզ համար հանգիստ աշխատում ենք, դա ապատեղեկատվություն է»,- ի պատասխան yerkir.am-ի թղթակցի հարցի` ասաց նա:

Սակայն, ինչպես ասում են, ծուխն առանց կրակի չի լինում: