Ղուրան գիտե՞ս, Կալաշնիկովը քեզ նվեր

«Ալ Քաիդա»-ի հետ սերտ կապեր ունեցող «Աշ Շաբաբ» իսլամական խմբավորման կողմից համակարգվող սոմալիական «Անդուդուլս» ռադիոկայանը երեխաների շրջանում Ղուրանի իմացության մրցույթ է անցկացրել:

Ամենաուշագրավը մրցանակներն են եղել` զենք, նռնակներ, պայթուցիկ նյութեր եւ գրքեր, այդ թվում` Ղուրան: Այսպես` առաջին տեղը զբաղեցրած երեխան ստացել է 700 դոլար եւ Կալաշնիկովի ինքնաձիգ, երկրորդ տեղը զբաղեցնողը` 500 դոլար եւ ինքնաձիգ, իսկ երրորդ մրցանակակիրը` 2 ռումբ:

«Աշ Շաբաբ» պայքարում է Սոմալիի թույլ, սակայն ՄԱԿ-ի զորակցությունը վայելող կառավարության դեմ: Գրոհայինների գործողությունները վերջին շրջանում նվազել են, դրա պատճառը երկրի` նրանց վերահսկողության տակ գտնվող տարածքներում տիրող սովն է: