ՀԱՅԿԱԿԱՆ ԺԱՄԱՆԱԿ. Երեխա է մահացել

Սեպտեմբերի 4-ին ՀՀ ոստիկանության հոսպիտալում սխալ ներարկման հետեւանքով 4-ամյա մի երեխա է մահացել: Հոսպիտալից տեղեկացրել են, որ մահացածը Վալերի Արչիլի Սեյրանյանն է:

Ոստիկանությունից թերթի թղթակցին հայտնել են, որ տեղի ունեցածի վերաբերյալ գործ է հարուցվել ՀՀ Քրեական օրենսգրքի 130 հոդվածի 2-րդ մասի հատկանիշներով, այն է` բժշկական օգնությունը ոչ պատշաճ կատարելը, որն անզգուշությամբ առաջացրել է հիվանդի մահ: Երեկոյան թերթը տեղեկացել է, որ այս հոդվածով մեղադրանք է առաջադրվել հոսպիտալի բուժքույր Թամարա Եւդակիմովային: Նա ստորագրությամբ ազատ է արձակվել:

Ոստիկանության հոսպիտալում բուժվում են միայն ոստիկանական համակարգի աշխատակիցներն ու նրանց հարազատները: Ըստ որոշ տեղեկությունների, մահացած 4-ամյա  տղան հոսպիտալի աշխատակիցներից մեկի որդին էր: