"Խիմկի"-ի մարզիչը հպարտ է Ալեքսանյանով

Ռուսական «Խիմկի»-ի գլխավոր մարզիչ Օլեգ Դոլմատովն իր գոհունակությունն է հայտնել Հայաստանի երիտասարդական հավաքականի ֆուտբոլիստ Արտակ Ալեքսանյանի խաղից: Հիշեցնենք, որ Ալեքսանյանը  հաղթական գոլի հեղինակ է դարձել «Լուչ-Էներգիա»-ի դեմ խաղում:

«Շատ հետաքրքիր ֆուտբոլիստ  է, և մենք կենտրոնում շատ էինք զգում հենց այսպիսի խաղացողի կարիքը: Ես ուրախ եմ, որ իմ թիմում նման ֆուտբոլիստ է հայտնվել»,- ասել է մասնագետը:

Իր հերթին, Ալեքսանյանն ասել է, որ մարզիչն իրենց առջև խնդիր էր դրել հաղթել սեփական հարկի տակ, և դա իրենց հաջողվեց։ «Անկեղծ ասած` ավելի լավ որևէ այլ ակումբում ինձ չեմ զգացել»,- եզրափակել է Ալեքսանյանը: