Թե ինչու են կանայք շուտ ծերանում

40-50 տարեկան կանայք, ովքեր արագ են ուտում, ավելի շատ ավելորդ քաշ կարող են հավաքել, ի տարբերություն նրանց, ովքեր գերադասում են ուտելիքը դանդաղ ծամել. տեղեկացնում է Doctors.am-ը:

Օտագո համալսարանի կողմից անցկացվել են ուսումնասիրություններ, որոնք միտված էին համեմատելու ուտելու արագությունն ու քաշի ինդեքսը 40-50 տարեկան 1500 կանանց մոտ: Հայտնի է, որ հենց այս տարիքի կանայք են առավել հակված գիրանալուն:

Գիտնականների խոսքերով` այս բացահայտումը կօգնի մշակել ճարպակալման բուժման ավելի արդյունավետ միջոցներ:

«Երբ մենք հաշվի առանք այնպիսի գործոններ, ինչպես, օրինակ, տարիքը, էթնիկ պատկանելիությունը, ծխախոտից կախվածությունը, ֆիզիկական ակտիվությունը և դաշտանադադարի շրջանը, պարզվեց, որ ինչքան արագ են կանայք ուտում, այնքան նրանց քաշի ինդեքսը բարձր է»,- մեկնաբանում է գլխավոր մասնագետ Քերոլայն Հորվաթը:

Կանանց երկամյա ուսումնասիրության արդյունքները կհրապարակվեն մյուս տարի: Եթե արդյունքների վերլուծությունը հաստատի այս կապը, մասնագետները կփորձեն պարզել, թե ինչքանով դանդաղ ուտելը կօգնի նիհարելուն: