ԺՈՂՈՎՈՒՐԴ. Սերժ Սարգսյանի փեսան` բենզինի շուկայում

Բիզնես դաշտում ինքնադրսեւորվելու յուրօրինակ քայլեր է անում նաեւ Սերժ Սարգսյանի մյուս փեսան` Հայկ Խաչատրյանը:

Ըստ թերթի տեղեկությունների` ՀՀ Սահմանադրական դատարանի նախագահ Գագիկ Հարությունյանի կնոջ զարմիկը հետաքրքրություն է ցուցաբերում հատկապես բենզինի շուկայում: Մասնավորապես` նա հիմնադրել է «Տիտան փեթրոլ» անունով մի ընկերություն, որի հետ ծանոթանալու առիթներ առաջիկայում հայ հասարակությունը կունենա:

Գործարար շրջանակներում արդեն իսկ լուրեր են պտտվում, որ Սերժ Սարգսյանի սիրելի մի քանի գործարարների վրա կոնկրետ պարտականություն է դրված. յուրաքանչյուրը սահմանված քանակով բենզալցակայաններ պետք է կառուցի եւ տա Հայկ Խաչատրյանին: Ի վերջո, նոր փեսան եւս պիտի ինչ-որ եկամտաբեր զբաղմունք ունենա: