Ասադը հրաման է ստորագրել ԶԼՄ-ների գործունեության մասին

Սիրիայի նախագահ Բաշար ալ Ասադը հրաման է ստորագրել ԶԼՄ-ների գործունեության մասին, որում երաշխավորվում է մամուլի ազատությունը, նաեւ լրագրողների պաշտպանությունը հետապնդումներից: Սակայն, միաժամանակ, արգելվում է հրապարկել «նյութեր, որոնք հարվածի տակ են դնում ազգային միասնականությունն ու անվտանգությունը»:

Ավելի վաղ, Սիրիայի նախագահը, կատարելով բարեփոխումներ իրականացնելու մասին խոստումը, մի շարք այլ հրամաններ է ստորագրել, այդ թվում` արտակարգ իրադրության վերացման, բազմակուսակցականության ապահովման մասին:

Ի դեպ, երեկ Թուրքիայի նախագահ Աբդուլահ Գյուլը հայտարարել է, թե Անկարան ամբողջովին «կորցրել է վստահությունը» Սիրիայի նախագահի նկատմամբ` փաստացի Ասադին կոչ անելով հրաժարական տալ: