ՀՐԱՊԱՐԱԿ. Կաթնամթերքի գների բարձրացում է սպասվում

Հակառակ վարչապետի լավատեսական խոստումներին և գյուղնախարարի տարբեր տիպի աճպարարություններին` ընդհուպ մինչև Աստծո օգնությանը դիմելուն, այս տարվա սննդամթերքի գների աճը խփում է բոլոր ռեկորդները: Չկա շաբաթ, որ հայաստանցիները տհաճ անակնկալի առաջ չկանգնեն խանութներ կամ շուկաներ այցելելիս:

Եվ ահա պարզվում է, որ կաթի մթերման սեզոնի ավարտին մոտենալու հետ կապված` գյուղացիական տնտեսությունները զգալիորեն ավելացրել են կաթի մթերման գինը: Վերջին հանգամանքն, անշուշտ, իր անդրադարձը կունենա նաև կաթնամթերքի գների վրա` իհարկե, թանկացման տեսքով:

Այստեղ մնում է հուսալ, որ գյուղնախարար Սերգո Կարապետյանը կրկին կդիմի Աստծուն` խնդրելով, որ գները չբարձրանան: Առաջին անգամ Աստված նրան չլսեց, գուցե այս անգամ մի բան ստացվի: