Առանձին տարածքներ` ծխելու համար

Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը տեղեկացնում է, որ

Երևանի քաղաքապետի մայիսի 17-ի Երևան քաղաքի հանրային սննդի օբյեկտներում ծխախոտի օգտագործման սահմանափակումների մասին որոշման հետ կապված՝  մայրաքաղաքում ավելի քան 750   հանրային սննդի ծառայություններ իրականացնողների  առաջարկվել  էր ծխելու համար կազմակերպել առանձնացված տարածքներ, հատվածներ կամ  գոտիներ:
Օգոստոս ամսվա դրությամբ Երևան քաղաքում գործող հանրային սննդի օբյեկտներից 126-ն արձագանքել են առաջարկին և առանձնացված տարածքներ են  ապահովել ծխելու համար: Այդ թվում  38 հանրային սննդի օբյեկտ՝ Կենտրոն վարչական շրջանում, 29-ը՝ Արաբկիրում, 9-ը՝  Շենգավիթում, 8- ը՝ Նորք-Մարաշում,  7-ը՝  Ավանում և այլն: