Մենք պատրաստ ենք, դուք պատրա՞ստ եք

Իշխանություն-ՀԱԿ երկխոսությունն ընթանում է և ձևավորվել է օրակարգ. այսօր լրագրողների հետ հանդիպման ժամանակ ասաց իշխանական պատվիրակության անդամ, ՕԵԿ փոխնախագահ Մհեր Շահգելդյանը:

Նա նշեց, որ երկխոսությունը ենթադրում է կարծիքների փոխանակություն: «Իսկ մենք դիրքորոշումներ ունենք, փորձում ենք քննարկել օրակարգում առաջադրված հարցերը»,- ասաց Մ. Շահգելդյանը` հավելելով, որ ՀԱԿ-ի պահվածքը ցույց է տալիս, որ նրանք պատրաստ են հարցեր լուծելու երկխոսության շրջանակներում:

«Մենք նաև պայմանավորվել ենք, որ հայտարարությունների լեզվով չենք խոսելու, միայն` դեմ առ դեմ: Երկխոսության օրակարգում ունենք երկու հարց, որոնք պետք է քննարկվեն հաջորդ հանդիպմանը»,- ասաց բանախոսը: