"Բռնաբարված" սպասուհին հարցազրույց է տվել

Sofitel հյուրանոցի սպասուհին` Նաֆիսատու Դիալոն, ով մեղադրել էր ԱՄՀ նախկին ղեկավար Դոմինիկ Սթրոս Կանին բռնաբարության մեջ, Newsweek-ին տվել է իր առաջին հարցազրույցը:

«Ես ուզում եմ, որ նա բանտարկվի, ես ուզում եմ, որ նա հասկանա` կա տեղ, ուր հնարավոր չէ օգտագործել սեփական իշխանությունն ու փողը»,- հայտարարել է 32-ամյա սպասուհին` հավելելով, որ իր նպատակը արդարության հաղթանակն է:

Մինչ այդ սպասուհին նաեւ հյուրընկալվել էր ABC հեռուստաընկերության Good morning America հաղորդմանը եւ հայտարարել էր, թե «սկզբում որոշ սխալներ է թույլ տվել, բայց այն, ինչ ասել է Սթրոս Կանի մասին, իրականությունն է»:

Հիշեցնենք, որ Սթրոս Կանը ձերբակալվել էր մայիսի 14-ին Նաֆիսատու Դիալոյի ցուցմունքի հիման վրա: Սակայն հետագայում նա ազատ էր արձակվել, քանի որ պարզվել էր, որ ցուցմունքում հակասական շատ կետեր կան: