Գյուլին Բուլղարիայում բողոքի ցույցով են դիմավորել

Պաշտոնական այցով Սոֆիայում գտնվող Թուրքիայի նախագահ Աբդուլլահ Գյուլին բուլղարական խորհրդարանի մուտքի մոտ դիմավորել են բողոքի ակցիայով: Հակաթուրքական և ազգայնական հայացքներով հայտնի ATAKA կուսակցության առաջնորդ Վոլան Սիդերովը եւ 5 այլ պատգամավորներ պարզել են հակաթուրքական կարգախոսներով պաստառներ և Գյուլից պահանջել, որ Թուրքիան Օսմանյան կայսրության իրականացրած ոճրագործությունների համար ներողություն խնդրի Բուլղարիայից և վճարի 10 միլիարդ դոլարի փոխհատուցում. տեղեկացնում է CNNTurk-ը:

Ոստիկանները միջամտել են և խոչընդոտել պատգամավորների ակցիայի շարունակությանը խորհրդարանի շենքում, իսկ խորհրդարանի նախագահ Ցեցկա Ցաչևայի հրահանգով նրանց արգելել են մասնակցել Գյուլի հետ հանդիպմանը։

Ի դեպ, ATAKA-ն Բուլղարիայի խորհրդարանում պարբերաբար բարձրացնում է Հայոց ցեղասպանության ճանաչման հարցը։