Թերթելով մամուլը` գիրք գրեցի

Այսօր տեղի ունեցավ լոնդոնաբնակ գրող, լրագրող, բանաստեղծ Ասատուր Գյուզելյանի «Թերթելով մամուլը» գրքի շնորհանդեսը:

Գիրքը նվիրված է հայագետ Ալբերտ Փարսադանյանին, ում խոստացել է հավաքել և հրատարակել լրագրողական գործունեության ընթացքում հրատարակված նյութերը:

Ա. Գյուզելյանը երկար տարիներ թղթակցել է հայկական թերթերին և «Թերթելով մամուլը» Բեյրութում լույս տեսած գրքում հեղինակն ամփոփել է լուրեր, զանազան հոդվածներ, խմբագրական նյութեր, լրագրողական և ճանապարհորդական նոթեր:

«Իմ 60-ամյա գործունեության խորհուրդն է եղել` ստեղծել համահայկական կենտրոնական մեծ ուժ, որ հայկական բոլոր կուսակցությունները, կազմակերպությունները նստեն մի սեղանի շուրջ` համախմբվեն հայոց անվիճելի հարցերի շրջանակում»,- ասաց նա: