Ինչո՞ւ են ԱԺ-ում փակվել ինտերնետային որոշ կայքեր

ԱԺ «Ժառանգություն» խմբակցության պատգամավոր Զարուհի Փոստանջյանը հարցում է ուղարկել ԱԺ նախագահ Հովիկ Աբրահամյանին` պարզելու, թե ինչո՞ւ 2008 թվականի մարտի 1-ից հետո ԱԺ-ում ինտերնետային որոշ կայքեր անհասանելի են, մասնավորապես` YouTube-ը:

Այսօր լրագրողների հետ հանդիպման ժամանակ պատգամավորն ասել է, որ Հայաստանում կան կառույցներ, որտեղ համակարգիչները «ֆիլտրված են», ինչի հետեւանքով ոչ բոլոր կայքերն են հասանելի:

Մեր ունեցած տեղեկություններով` Հովիկ Աբրահամյանը հատուկ հրահանգել է ԱԺ-ում փակել սոցիալական որոշ ցանցեր ու ինտերնետային կայքեր, որովհետեւ մեր ազգընտիրներն իրենց հիմնական գործառույթով զբաղվելու փոխարեն, շատ հաճախ զբաղվում են «այլ գործերով», մասնավորապես` հիշյալ կայքերից օգտվում են, որ բավարարեն իրենց «պոռնո նախասիրությունները»: