Սիրիական բանակը գործողություն է սկսել երկրի հյուսիսում

Սիրիական բանակը խոշոր գործողություն է սկսել երկրի հյուսիսում` Ջիսր ալ Շուղուր քաղաքում. տեղեկացնում են պետական ԶԼՄ-ները: Գործողությանը մասնակցում է մոտ 30 հազար զինծառայող, կիրառվում է զրահատեխնիկա:

Երկրի իշխանությունները պնդում են, որ Թուրքիայի սահմանի մոտակայքում գտնվող քաղաքը զինված ծայրահեղականների հենարանն է, որտեղ նրանց ձեռքից վերջերս ավելի քան 120 ոստիկան եւ զինծառայող է զոհվել:

Սիրիայի հյուսիսային շրջաններից մարդիկ շարունակում են Թուրքիա փախչել` երկյուղելով բռնություններից: Թուրքական իշխանությունների տվյալներով` նրանց թիվն անցել է 2500-ից:

Այսօր սիրիական մի շարք քաղաքներում դարձյալ սպասվում են հակակառավարական ցույցեր` նախագահ Բաշար ալ Ասադի հրաժարականի պահանջով. տեղեկացնում է mignews.com-ը: