Գնաճ` բոլոր ոլորտներում

Այս տարվա մարտին Արցախի պարենային ապրանքների շուկայում (ներառյալ` ոգելից խմիչք եւ ծխախոտ), նախորդ ամսվա համեմատ, գրանցվել է 1.5 տոկոս գնաճ:

ԼՂՀ ազգային վիճակագրական ծառայության տվյալներով` պարենային ապրանքների ընդհանուր գնաճը 2011թ. առաջին եռամսյակում կազմել է 2.4 տոկոս, այդ թվում հունվարին՝ 4.3 տոկոս, փետրվարին` 1.4, իսկ մարտին ` 1.5 տոկոս: Իսկ ոչ պարենային ապրանքների գները, նախորդ ամսվա համեմատ, աճել են 0.5 տոկոսով:

Մարտին, փետրվարի համեմատ, հանրապետությունում գրանցվել է դիզելային վառելիքի գների 3.9 տոկոս եւ բենզինի գների 3.0 տոկոս աճ:

2011թ. մարտին, անցյալ տարվա դեկտեմբերի համեմատ, ոչ պարենային ապրանքների շուկայում գրանցվել է 3.7 տոկոս գնաճ, որը պայմանավորված է դիտարկվող բոլոր ապրանքախմբերում արձանագրված 0.5-9.0 տոկոս գնաճով:

Հանրապետությունում աճել են նաեւ բնակչությանը մատուցվող ծառայությունների սակագները՝ 0.5 տոկոսով: Արցախի 7 քաղաքներից ամենաբարձր գնաճն արձանագրվել է Մարտունիում` 1.5 տոկոս: