Վենեսուելա-իրանական գաղտնի համաձայնագիր

Անցյալ տարվա հոկտեմբերի 19-ին Վենեսուելայի նախագահ Ուգո Չավեսը եւ Իրանի նախագահ Մահմուդ Ահմադինեժադը գաղտնի համաձայնագիր են ստորագրել Իրանի բալիստիկ հրթիռները Վենեսուելայի տարածքում տեղադրելու մասին:

Գերմանական Die Welt-ի տվյալներով` ռազմակայանն արդեն կառուցված է: Այն գտնվում է Պարագուանա թերակղզում, Կոլումբիայի սահմանից 120 կմ հեռու:

Ռազմակայանը կառուցել են Խաթամ էլ Աբնիայի` Իսլամական հեղափոխության պահապանների շինարարական վարչության սպաները: Արդեն պատրաստ են հրամանատարական կետը, զորանոցները, հրթիռային վառելիքի պահեստարանը եւ հրթիռների` 20 մետր խորությամբ հորանը:

Վառելիքի պահեստարանը մեկնարկային սարքավորումներին միացնող ստորգետնյա խողովակաշարերը նախագծել են Թեհրանի պոլիտեխնիկական ինստիտուտը եւ Շարիֆ համալսարանը: