Ստամբուլյան համալսարանում կանցկացվեն հայոց լեզվի դասընթացներ

Ստամբուլի «Քադիր Հաս» մասնավոր համալսարանում հայոց լեզու է դասավանդելու Հայաստանից հրավիրված մասնագետը. The International Herald Tribune թերթին տված հարցազրույցում ասել է համալսարանի ռեկտոր Սերդար Դինլերը:

Ըստ նրա` դասընթացները կմեկնարկվեն մայիսի վերջին: Ծրագիրը իրականացվում է Մարշալի հիմնադրամի աջակցությամբ, որը 23 հազար 500 դոլար է հատկացրել:

«Մեր երկիրը տարածաշրջանում էներգակիրների տարանցման կարեւոր միջանցք է դառնում, իսկ Թուրքիայի իշխանությունները հետամուտ են «հարեւան երկրների հետ զրո խնդիր» քաղաքականությանը: Այդ պատճառով, կարծում եմ, որ Թուրքիայի նոր սերունդն ավելի շատ անհրաժեշտություն ունի երկխոսելու Հայաստանի, Ռուսաստանի, Իրանի, Հունաստանի պես հարեւանների հետ: Եվ լեզու իմանալը միայն կօգնի հասնել այդ նպատակին»,- ասել է ռեկտորը: