Խուսափեց մանրամասներ հաղորդել

Առողջապահության նախարարն արդեն անդրադարձել է «Սուրբ Աստվածամայր» բժշկական կենտրոնում օրերս կատարված եւ հասարակական հնչեղություն ստացած դեպքին, եւ շատ խիստ պատասխանատվության միջոցներ են կիրառվել. այսօր լրագրողներին ասաց առողջապահության նախարարության աշխատակազմի ղեկավար Սուրեն Քրմոյանը:

«Շատ լավ է, որ լուրջ բացասական հետեւանքներ չեղան, հնարավոր եղավ ժամանակին կանխել: Դեպքի ուսումնասիրության պրոցեսը դեռ չի ավարտվել, ու դեռ վաղ է խոսել մեղավորներին եւ նրանց մեղքի աստիճանը որոշելու մասին: Նախարարի հանձնարարությամբ` մենք լուծել ենք առողջության վերականգնման հետ կապված բոլոր խնդիրները, հաջորդ քայլը պատասխանատվության կանչելն է: Նախարարությունը բոլոր հնարավոր միջոցները ձեռնարկում է այդ ուղղությամբ»,- նշեց նա: