Ջոկովիչը տոնեց իր 27-րդ հաղթանակը

Աշխարհի երկրորդ ուժեղագույն թենիսիստ սերբ Նովակ Ջոկովիչը դարձել է  ATP 250 Serbia Open-2011 մրցաշարի հաղթող։ Եզրափակիչում 23-ամյա Նովակը հանդիպել է 29-ամյա իսպանացի Ֆելիսիանո Լոպեսի հետ և 2 սեթերի արդյունքում  7:6(4), 6:2 հաշվով հաղթանակ է տոնել մրցակցի նկատմամբ: Հանդիպումը տևել է 1 ժամ 56 րոպե։

 Այսպիսով, Australian Open-ի կրկնակի հաղթող Ջոկովիչը նվաճել է իր կարիերայի 23-րդ և այս մրցաշրջանի հինգերորդ տիտղոսը՝ այս մրցաշրջանում իր անընդմեջ հաղթանակների թիվը հասցնելով  27-ի։

Serbia Open-2011-ի հաղթողը կստանա 66,500 եվրո և 250 միավոր` ATP վարկանիշի համար, իսկ Լոպեսը կստանա 35, 500 եվրո և 150 միավոր։