Դիպուկահարներ պատրաստեցին, անցան դեսանտայիններին

Ադրբեջանում պատանիների համար կազմակերպվելու են դեսանտայինների պատրաստման դասընթացներ. ըստ ադրբեջանական Trend գործակալության հայտարարել է Կավավոր ռազմա-սպորտա-հայրենասիրական ընկերակցության հանրապետական խորհրդի նախագահ, գեներալ-մայոր Նովրուզալի Օրուջեւը:

Նրա խոսքերով` դասընթացներն անցկացվելու են մի քանի ուղղություններով` տեսական ուսուցում, թռիչքներ պարաշյուտով, ձեռնամարտ եւ հրաձգություն:

«Ադրբեջանը պատերազմի մեջ է, մեր տարածքների 20 տոկոսն օկուպացված է: Այդ պատճառով կարեւոր է, որ երիտասարդները մինչեւ զորակոչը նման պատրաստություն անցնեն»,- հայտարարել է գեներալ-մայորը:

Հիշեցնենք, որ ավելի վաղ նույն կազմակերպությունը կազմակերպել էր նաեւ դիպուկահարների դասընթացներ: