Բաքվում 65 ընդդիմադիր է ձերբակալվել

Ադրբեջանական ոստիկանությունը ձերբակալել է 65 մարդու, ովքեր մասնակցել են Բաքվում ընդդիմադիր կուսակցությունների կողմից կազմակերպված ակցիային: Մոտ 150 մարդ փորձել է հավաքվել Սախիլ այգում, սակայն ոստիկանությունը կանխել է:

Ձերբակալվածներից 25-ին ազատ են արձակել` համապատասխան զգուշացում տալուց հետո, իսկ 40-ի դեպքում գործը պետք է քննվի ոստիկանության տարբեր բաժանմունքների կողմից, այնուհետեւ` լսվի դատարանում:

Ինչպես տեղեկացնում է «Նովոստի» գործակալությունը, դեռեւս ապրիլի սկզբին ընդդիմադիր ուժերը հանրահավաք կազմակերպելու եւս մեկ փորձ էին արել ու պահանջել Իլհամ Ալիեւի հրաժարականը: Այդ ժամանակ ոստիկանությունը ձերբակալել էր 70 հոգու: